سياسة الخصوصية
آخر تحديث: 15 أكتوبر 2026
هذي الصفحة توضّح شنو البيانات اللي يجمعها Pro Ads، وليش، ووين تنحفظ.
شنو نجمع
- بيانات الحساب: الاسم والبريد الإلكتروني وكلمة المرور (مشفّرة).
- محادثاتك ويا المساعد سجاد برو، ومعلومات شغلك اللي تكتبها بيها، والفيديوهات اللي ترفعها.
- بيانات الدفع اللي ترسلها: طريقة الدفع والمبلغ ورقم العملية وصورة الوصل. ما نستلم ولا نحفظ بيانات بطاقتك.
- عند ربط حساب تيك توك: صلاحية إدارة الحملات على حسابك الإعلاني، ورقم الحساب الإعلاني، وبيانات حملاتك ونتائجها.
ليش نستخدمها
- حتى نجهّز حملاتك ونطلقها ونتابع نتائجها على حسابك الإعلاني.
- حتى نفعّل اشتراكك ونتأكد من الدفع.
- حتى نحسّن المساعد: فريقنا يراجع ملخصات عامة من المحادثات ونتائج الحملات، بدون أسماء أو أرقام أو بيانات شخصية.
- حتى يتذكرك المساعد: يحفظ معلومات عن شغلك من محادثاتك (مثل نوع الشغل والمدينة) ويستخدمها بمحادثاتك الجاية بس. تشوفها وتمسحها من صفحة الحساب الإعلاني.
مع منو نشاركها
- مزوّدي خدمة نعتمد عليهم لتشغيل المنصة فقط: Supabase (قاعدة البيانات والملفات)، Vercel (الاستضافة)، Anthropic (نموذج Claude اللي يشغّل المساعد)، Composio (الربط الآمن ويا تيك توك)، وTikTok (لإنشاء الحملات على حسابك).
- ما نبيع بياناتك لأي جهة.
حقوقك
- تگدر تطلب نسخة من بياناتك أو تطلب حذف حسابك وبياناته بأي وقت.
- تگدر تلغي ربط حساب تيك توك من إعدادات تيك توك للأعمال، فتنقطع صلاحيتنا على حسابك الإعلاني.